Itna to karna swami
Jab praan tan se nikle
Govinda naam leke
Tab pran tan se nikle
Shri gangaji ka tat ho
Jamuna ka vanshivat ho
Mera sawla nikat ho
Jab pran tan se nikle
Pitambari kasi ho
Chhabi man main yeh basi ho
Hotho pe kuch hasi ho
Jab pran tan se nikle
Jab kanth pran aye
Koi rog na sataye
Yam darash na dikhaye
Jab pran tan se nikle
Us vakt jaldi ana
nahi shyam bhul jana
Radhe ko saath lana
Jab pran tan se nikle
Ek bhakt ki hai arji
Khud garj ki hai garji
Aage tumhari marji
Jab pran tan se nikle
Itna to karna sai
Jab pran tan se nikle
